لا تلوموها.....سامح الكردي

الحلقة التاسعه
....

في المطعم وجنب الفندق قضينا اول يوم......وجنبك منظر مية ينسي اي هموم
وجات اوام باكل المطعم منيو..................واننا ممن العرب يظهر انهم نسيوا
طلعت ساعتها اوام اللاب...............وبترجمه جوجل عرفت المنيو بعد عذاب
وجه جارسون شيك لبسه انيق.....................بعد حيرة طالبنا اتنين شيش طاوق

وبعد دردشة جنب المية رومانسية..................افتكرت ساعتها حاجه مهمه عليا
وبسرعه انا وحمادة لفينا ودورنا.................وفي محل موبايل جبنا خط وشحنا
تفتكر يا حماده ماما تقول عليا قاسية...........واني بقيت دلوقتي لحقها عليا ناسية
وجيت علي حمادة في لحظة عتاب......بقا حبنا ينسينا يطمنا علي الاهل والاحباب

قالي ساعتها بلاش يا نوني عتابنا... ......اشكري ربنا علي نسيانك كل حاجه بحبنا
وشوفت في التلفون لامي عليا لهفة...................وقلقها عليا كاني لسه بنوته ببفتة
افتكرت ساعتها صينية البسبوسة العجيبة.............اللي كانت حكايتها جدا غريبة
ما ما يومها بايديها في المطبخ عملتها... واصرت اني معاها في عميلها اساعدها

وجه لماما بعديها تلفون مهم...................وسابتني في المطبخ لوحدي اشيل الهم
وعلي ما عملت الشربات وسكره اتظبط....كان وش البسبوسة كله في الفرن اتحرق
وكان صحبتي العزيزة اللي بتتصل.. ماما قالتلها عزمينك علي بسبوسة بايديا بتتعمل
وكان صاحبتي رانيا ما صدقت.....وفي ثانية كانت قدامي وبايديها سقفت
قالت شاطرة يانوني شطورة.....بس عليتي النار وحرقتي الوش يا امورة