رد: مغامرات في المنيا....تاليف سامح الكردي

من طرف ROTY الجمعة يوليو 15, 2011 1:33 am

مممممممممممممممممممممممممم ماعلينا مااخدش باللى يااااااااااااااااابشمهنس سااااااااااااااااااااااااااااااااااااااااااااااااااامح افادكم الله Very Happy

من طرف samehelkordy الجمعة يوليو 15, 2011 10:34 am

ولااااااااااا يهمك اي خدعه

Razz

من طرف د/ رضوى عتلم السبت يوليو 16, 2011 12:24 am

كالعاده........................رائع

من طرف samehelkordy السبت يوليو 16, 2011 10:17 am

ربنا يكرمك يا رب

قاربت الحلقات علي الانتهاء لا تذهبوا بعيدا

من طرف samehelkordy السبت يوليو 16, 2011 10:19 am

من طرف samehelkordy السبت يوليو 16, 2011 10:22 am

مطار المنيا
......................
ما اجمله من منظر.................حينما تري الزروع والحقول الخضراء امام البصر تنتشر امام حتي مرمي البصر
واذا كان لديك نعمة قوة النظر فانك تستطيع ان تري ..علي بعد اكثر من 2 كم من الحقول الخضراء
تستطيع ان تري كلية الهندسة
هذا من ناحية الشمال اما من ناحية الغرب
فانك تري مطار المنيا الحربي...الذي ساتكلم عنه هذه الحلقة
في اول ايامي في سكني استيقظت في حدود الساعة السابعة صباحا
علي صوت مدوي قوي فبدات اتلمس الخبر
وطلعت غلي البلكونة وجدت في تمام السابعة صباحا عرضا عسكريا ولا اروع للطائرات الحربية علي بعد مترات قليلة مني
فعلا المسافه ما هي الا محض مترات بسيطة
وكانت دهشتي حينما دققت النظر في تلك الطائرات واذا بها طائرات (اسماعيل يس في الحربية)
المعروفة والقديمة نسبيا ولكن لا باس بها فانت في المنيا
...
ولكن موعدي في الكلية لم يمهلني الفرصة لانهي مشاهدة هذا العرض الذي لطالما ابهرني
فذهبت الي الكلية وانا متحمس لتقصي الخبر عن قريب
وبعد انتهاء اليوم الدراسي في الكلية وحيث دافع الفضول للمعرفة قررت ان .......
قررت ان اقتحم هذا المطار رغم علمي من اصدقائي انه مطار حربي
وان له تامينات حربية حصينة....ولكني وجت فيها مغامرة شيقة
قد تحمل عني شيئا مما الاقية من عناء الغربة والوحدة الي حد ما
..............
استرحت بعد عودتي من الكلية وبعد تناول الغداء
وبعد ذلك توجهت الي الطريق الصغير المؤدي للمطار الحربي
ولم اصدق نفسي حينما وجدت نفسي بيني وبين الطائرة حوالي 7متر او اقل
وهناك احد المهندسين يشرف علي صيانة احد الطائرات
وهنا اخر يشرف علي اعداد واحكام اغلاق نافذة الطائرة
وهنا فريق يقوم بعمل طلعات جوية بجوار المطار
وهنا طائرات تسير فقط علي ارض المطار
الكل يعمل في مجاله من الصيانة بشكل منظم وحتي الان يلتفت احد الي
واخر يقوم بعمل صيانة لعجلات الطائرات التي وجتها تحظي منهم باهتمام كبير
كما وجدت اجهزة كثيرة بجوار الطائرات اللي في الجراج والجميع في حالة حركة وفي حالة عمل
الصيانة اللازمة لجميع الطائرات والجميع في حالة شغل دؤوب
بصراحة ادهشني المنظر من حيث الطائرات من حيث مسار الطائرات علي ارض المطار قبل الاقلاع
طريقة دخول العساكر داخل الطائرات
بالاضافة الي التمرينات التي اراقبها من ببعيد
ولكن اليوم قررت ان التقط صورا لمناظر الطائرات
وان اتخذها تذكارا من هناك
وطبعا وقعت في مشكلة................................
بمجرد بدات التصوير والتقاط الصور وفجاة تعالت الاصوات من حولي
يا استاذ تعالي هنا ...... هات الموبايل ده.......
الي اللقاء في الحلقة القادمة

من طرف د/ رضوى عتلم الأربعاء يوليو 20, 2011 11:52 pm

يا جااااااااااااااااااامد !!!!.....

طيب وبعدين ؟؟....ايه اللى حصل ؟؟

من طرف samehelkordy الجمعة يوليو 22, 2011 2:01 am

من عينيا

اتفضلي

من طرف samehelkordy الجمعة يوليو 22, 2011 2:01 am

حلقة كنت ناسيها

.........

معلش بقا الحلقة دي انا كنت ناسيها خالص

واحد احبائي ذكرني اني لم اذكرها

بس للامانه حكيها برده لاني شايف ان فيها الي حد ما مغامرة برده

يوم من الايام خلصت اجازتي في طنطا وراجع المنيا المهم وصلت عبود قبل ادان المغرب

لاقيت السوبر جيت اللي طالع المنيا مش مكيف لاول مرة الاقي الكلام ده

قولت لا انا انتظر اللي بعده وعلي ده ما يطلع اروح اصلي وارجع

بعد ما رجعت لاقيت اتوبيس مكتوب عليه المنيا طالع قولتله المنيا؟؟؟؟؟

قالي اطلع بسرعه وطبعا كالعاده طلعت الموبيل وشغلت الاناشيبد والقران لحد ما وصلت الاستراحه

وبعد الاستراحة كملت سماع الموبايل بس بعد شوية للاسف فصل شحن

ولاول مرة بحياتي انام في وسيلة المواصلات

وقدر الله وما شاء فعل وفعلا انا مبنمش ابدا في المواصلات نمت حوالي ساعتين متواصلتين

وبعد كده قومت لاقيت الاتوبيس شبه فاضي ذهلت

وطلعت للسواق اساله هي المنيا لسه مجتش؟؟؟؟؟

قالي منيا ايه؟؟؟؟؟؟؟ المنيا احنا سيبناها من زمان انت كنت نايم ولا ايه؟؟؟؟

قولتله اه

بس قبل ما انطق الكلمة دي لاقيت بنت بتقوله ايه المنيا عدت؟؟؟؟؟

انا اعمل ايه دلوقتي؟؟؟؟؟؟

ولكن رده كان في قمة السذاجه

بص يا استاذ انت والانسه انا رايح الاقصر

يا تيجي معايا يا اما تنزلوا هنا وربنا يتولاكم برحمته

وطبعا الوقت كان الساعه 1 بليل

قولتله خلاص نزلني في اول كمين علي الطريق

وفعلا نزلني انا والاخت دي في نقطه تفتيش

ابو قرقاص وفجاة لاقيت حالات عصبية غريبة بتطلع

وتقولي احنا هنعمل ايه ومتوترة جدا

وانا طبعا ببرودي عادي يعني

لاقيتها بتقولي ممكن تخليك معايا لحد ما اتصل بعمي اخليه يجي يخدني؟؟؟؟؟

قولتلها اوك بس هيتاخر؟؟؟؟

قالتلي مسافه السكة

سالتها هوه منين؟؟؟

قالتلي هوه قاعد في اسكندرية

انا كنت هطقا من الغيظ وفي نفس الوقت شايفها قلقانه جدا

قولتلها حضرتك احنا هنركب اي مكروباص راجع المنيا ومفيش اي مشكلة بس يا ريت حضرتك تهدي

لانها فعلا مش ناقصة توتر(اسف علي العامية)

شوية وجه مكروباص وكان فاضي الحمد لله

ونزلنا المنيا والحمد لله اني خلصت من التوتر ده

حتي والله ليلتها مكنتش حاسس بطعم الاكل من شدة التوتر اللي سببتهولي

ربنايسامحها

وطبعا تاني يوم روحت نمت في محاضرة دكتور الميكانيكا

ولسوء حظي شافني نايم

وجابني من وسط ال 900 طالب وعمل معايا تحقيق وسط الطلبه

وكان منظري (لا تعليق)

اول سؤال انت اسمك ايه؟؟؟؟

سامح الكردي

منين؟؟؟؟

من طنطا

قالي

بلد الاونطة؟؟؟؟

قولتله

اللي حضرتك شايفه صح يا دكتور

وبصراحة انا كنت نايم فعلا ومش ناقصة خالص استظراف

لاقيته بيقولي انزل هتلي ورقة شجر من تحت

ورجع قالي ولا اقولك انت لسه مشوارك طويل علي طنطا ادخل ارجع وصحصح معانا

والحمد لله الموقف عدي علي خير

............................................

اديني حكيت الموقف اللي كنت نسيته اي خدمة تانية؟؟؟؟

منتظر بقا ردودكم

من طرف samehelkordy الجمعة يوليو 22, 2011 2:03 am

- الحلقة الاخيرة العودة الي طنطا

..................................................

طبعا عملت فيه دور العبيط ولا كاني سامع حاجه وضيرت ظهري وعلي طول انطلقت في طريقي للعودة

وضربات قلبي تنتفض مخافة ان تلاحقني قوات الجيش للحصول علي الصور والموبايل

وساعتها لست ادري هل سياخذوا الميموري بفرمتوه ولا هيخدوه خالص

ولا هيخدوا الموبايل ولا هيعملوا فيا ايه؟؟؟؟؟؟؟

المهم انطلق باقصي سرعة مترجلا مبتعدا عن المطار في طريقي للعودة وانا اتصفح واتاكد من الصور علي الموبايل سعيد بها اشد

الفرح......وحسيت اني فعلا عملت مغامرة الي حد ما

.................................................. .................................................. ...........

ومرت الايام واقتربت امتحانات اخر العام وطبعا انتوا عارفين الايام دي بتبقي عاملة ازاي

المهم عدت والحمد لله وجاءت اللحظة الحرجه

بعد اخر امتحان لاخر مادة وجدت نفسي اريد ان اودع جميع الاصدقاء والمعارف واودع الشيخ اشرف

واودع اصحابي بتوع المنصورة وبتوع اسكندرية والقاهرة والمنيا....الخ

واكيد طبعا لازم اودع ابوووووووووو سيد

وبتووفيق من الله ودعتهم علي امل اللقاء اني سنحت الظروف ولتربطنا ارقام الهواتف بيننا

ولكن موقف الفراق والوداع بين الصحبة صعب جدا

فهؤلاء اصدقائي عشنا سويا لحيظات ضحكنا سويا واكلنا سويا

تشاركنا العديد من المشاعر سواء الاسي او الفرح سويا

ايعقل؟؟؟؟

ابعد ..الايام واللحظات التي توحدت فيها مشاعرنا يعود كل امرئ منا الي داره

ويتناسي اصحابه

انها حال الدنيا لا تحافظ عي اهل ابدا ولا علي صديق حبا

فيا حبذا الجنة

وكثيرا ما اخذنا علي بعضنا المواثيق بدوام الاتصال والمودة بيننا

فمنهم من صدق وعدته ومنهم من الهته الدنيا

ومنهم من لم يتذكر (العيش والملح)

ولكن هكذا الدنيا

التعلم فيها ليس سهلا....ولكن الحياة تجارب ومواقف وخبرات

وبعد وداع الاصدقاءوكل من احببت في الله في تلك البلدة توجهت لمحطة السوبر جت لاركب الي القاهرة بعد صلاة المغرب

وكان معي محمد صديقي ولكنه سيركب القطار بعد صلاة العشاء

ويا للحظة الوداع بيني وبين اعز اصدقائي في هذه البلد

ايعقل الشخص الذي شاركني جميع لحظاتي في تلك البلد

الان الان الان يفارقني......كم انت حقيرة ايتها الدنيا

وكل منا اضمر دموعا في مقلتيه حينها عرفت معني الحب في الله

وانطلق بي الاتوبيس وانا امر علي كل منطقة في تلك البلد اتذكر ذكرياتي بها ولكن حينها لم اسطع ان امسك

دموع في تلك اللحظة (لحظه الوداع)

فعلا لم اشعربتلك اللحظة من قبل لحظة الوداع بلا امل في العودة

فانظر الي السماء حالكة الظلمة

واسال الله العظيم ان يوفقني علي شكر نعمته بان من علي بالعودة سالما الي بلدي

واساله ان يهون علي الم فراق الاحبة الذين لم يحبوني لاجل مالي ولا لاجل ....ولا لاجل.....

وانما الحب فالله....وهنا تعلمت الاعتماد علي نفسي...وهنا تعالت ضحكتي وهنا لعبت وهنا..تاوهت

الحمد لله ولكن نجربة الفراق لاول مرة شئ صعب

فهو فراق بطعم الوداع رغم كل المواثيق التي ذكرتها انفا

وطلعت موبايلي اتلمس الصور التي صورتها ولم اكد ابصرها قليلا حتي وقف الاتوبيس وتعطل في الطرق الصحراوي الغربي

علي القرب من بني سويف في مكان قفر لازرع فيه ولا ماء

تعطل الاوتوبيس ما يقرب من ربع ساعة وانا لم اعي لكل هذا فتستطيع القول اني كنت في ملكوت اخر ملكوت الذكريات

وملكوت الوداع الصامت

وانا عائد انظر الي مسطرتي واتذكر اصدقائي معي في سكشن الرسم

وانظر الي البوردة التي ارسم عليها واتذكر اصعب لوحات الرسم وانا اتناقش مع صديقي فيها

وما اصعب الذكريات حينما تكون حزينة

حينما تعلم انك لن تراهم مرة اخري

تشعر بشئ من اثنين اما انك قد شيعت جنازتهم

او ان كلهم قد شيعوا جنازتك الي فراق الاحبة حيث تفارق المودة

وفجاة سمعت صوت(في حاجة يا ابني انا ملاحظك من بدري عينك مليانه دموع اوي انت فلوسك اتسرقن ولا ايه؟؟؟؟)

راجل طيب اويوبعد ما حكيتله علي السبب قالي دي حال الدنيا ولازم هتمر بحاجات زي دي كتير

وبصراحة الراجل ده سلاني علي ما المشوار خلص

والحمد لله اخدت كل شنطي وبوردتي ومسطرتي وركبت اتوبيس طنطا

وانا بشكر ربنا اووي اوي علي النعمة دي

وطبعا ساعو وربع سفر بالنسبة لمشوار المنيا ما حستش بحاجه الا وانا نازل عند سوق الجملة

وهناك علي رصيف عماررو وبليل واول ما نزلت علي الرصيف الحمد لله سجدت لربنا اعترافا مني بفضله علي في عودتي

اتعلمت حاجات كتير وصاحبت ناس وحبيت ناس

وفارقت ناس عشان مكرهمش

بس الحمد لله اني رجعيت وبقيت بينكم الان احكي لكم الحكاية دي

لكن فعلا جملو ختامية

(الغربة خير معلم خاصة اذا كنت بمفردك)

فما بالك بالقبر فهناك ايضا ستكون بمفردك ولا مجال لتصحيح الخطا ولا لتعلمه)

...........................................

اعتذر ان كنت طولت في الحلقات وبجد اسف كلمة اقولها لاي حد زعلته من غير ما اقصد سواء في المنيا او في طنطا

لاني عارف ان ولله الحمد في ناس بتتابع كتاباتي في المنيا

عن طرق المواقع الي بكتب فيها قصصي.....عشان كده

حبيت في ختام القصة دي

اني اطلب من كل احبابي اللي اعرفهم انهم يسامحوني ويدعولي بظاهر الغيب

ويعرفوا اد ايه انا حبيت التجربة دي رغم الصعوبات اللي كنت اول مرة امر بيها

.................................................. ................................................

بارك الله لي ولكم في القران العظيم ونفعني واياكم بما فيه من الايات والذكر الحكيم

(تم بحمد الله)

-----حقوق الطبع والتوزيع محففوظة----

سامح الكردي

من طرف د/ رضوى عتلم الجمعة يوليو 22, 2011 11:43 pm

جمييييييييييييييييييييييييييل

بس خلصت بسرعه يا خساره