البحث عني - روايه مسلسله

اااااااااااااااااااااااااااااه .........الدكتووووووووووور ...........لا ده يا يويتى يتعمله روايه لوحده ...قلتلك ده كاركتر

حلوة فكرة الرواية لحد الآن يا رودي ^^ ولو إن عنوانها إلى حد ما يدي على رومانسي يعني
الأسلوب كمان لذيذ والحوار طبيعي أوي وده اللي مديها حيوية وواقعية

بس تعليق بسيط كده، حاولي تخلي الفصول أطول شوية، مش ضروري أوي موضوع التقطيع والتشويق -إلا لو إنتِ اللي عاوزة الرواية بالشكل ده- وخلي بالك بس من مشاكل الإملاء ^^

بس غير كده الرواية كويسة أوي وشكلها مبشرة بالخير بصراحة ^^
استمري وربنا يوفقك ونشوفها منشورة في كتاب بإذن الله

وجاى مروق وبيقلش عليا

......................

ههههههههههههههههههههههههههههههههههههههههههههههههههههههههههههه

هههههههههههههههههههههههههههههههههههههههههههههههههههههههههه

رووووووووووووووووووعه ومتابع حتي.........

ميرسي يا محمد ع الكومنت .........وحاضر هاراعى الاخطاء الاملائيه


سامح ....ميرسي بجد ع التشجيع المستمر ده

9
* خرج ولم يعد
قلتها باسلوب بوليسي ساخر
قالت مياده بملل : تاااااااااااااااااااااااانى ....مشي زعلان تانى ؟؟......يا مرموره ده احنا ماصدقنا بابا فكها شويه تقومى انتى اللى تزعليه ؟؟.....ليه كده بس؟؟

* ليه؟؟!!!!....ده كائن غريب الشكل عجيب الطباع ..تحسي كده انه التفاهه وقد تجسدت فى هيئة انسان ...حاجه تقرف

* ابراهيم !!....ده عسل ...كيوتى خااااااااااالص

* كيوتي !!!

* ايووون ...دمه خفيف اوى ..وجنتل مووت ..ورومانسي خاااااااااالص ....ياااااااااه لو الاقي واحد زيه

* اتفضليه يا حبيبتى ..مايغلاش عليكى

* تؤ تؤ تؤ ...ده انتى بتبيعى بالساهل اوى
كانت هذه الجمله من خالد الذى دخل الغرفه بلا استئذان

قالت مياده : وانت مالك اصلا؟؟...وبعدين هو انت كنت بتلمع الاوكر ولا ايه؟؟

* يا ستي لا بلمع الاوكر ولا باصلح الكوالين ..انا بس كنت معديه قلت اجى اخد الجمعيه ..قصدى كنت معدى قلت اخش امسي عليكوا

تنهدتُ....فقال: مش طايقانى ...صح؟

* انا مش طايقه الوضع كله ..انا مش عارفه انا هنا ليه؟..وازاى؟..احساس صعب اوى ..اوى

* هو مش الاخ الفاضل سي الدكتور ابراهيم جه وصالحك ؟....مالك بقى؟

قالت مياده: اتخانقت معاه تانى يا سيدى ومشي زعلان

* يا سلااااااااااااااااااام؟؟؟.....يعنى هنخلص من طلعة سيادته البهيه قريب؟

ردت مياده: انا مش عارفه انت مش طايقه ليه؟

رددت انا قائله: اكيد لنفس ذات الاسباب اللى انا مش طايقاه عشانها

قال بدهشه: هو مين ده اللى مش طايقاه؟؟....هيمه؟؟!!!..ده حصل امتى ده؟...وشرايط عبد الحليم ؟..وجو ضحيت هنايا فداك اللى كنتى معيشانا فيه؟؟...راح فين ده كله؟؟

* يمكن مريم كانت بتحبه ...يمكن

* وطبعا بما انك مش مريم فانتى مابتحبيهوش
كان هذا هو الاستاذ رفعت الذى بدا غاضبا جدا وقد دخل الغرفه - ايضا - بلا استئذان

ثم تابع : مياده ، خالد ...سيبونى مع اختكوا شويه

تبادلا النظرات ثم نهضا متثاقلين وغادرا الغرفه على مضض وفي عيونهما فضول

قال بحزم : هى الهوليله اللى انتى عاملاها دى كلها بقى عشان كده؟؟

* مش فاهمه

*لا فاهمه..فاهمه يا بنتى ..يا بكريتى ..يا فرحة عمرى ..يا تربيتى ياللى كنت فاكرك اعقل اخواتك .

اوجعتنى الكلمات ..اوجعتنى جدا ..لكننى لم افهم ..برغم كل الوجع لم افهم .....قلت : انا بجد مش فاهمه ...والله مافاهمه قصدك

* شايفالك شوفه تانيه يا بنت الحسب والاصول؟؟

احسست بالاهانه ..وبمنتهى العناد قلت : ولنفرض..ولنفرض انى لقيت حد احسن ...مش من حقى ...........

قاطعنى بعصبيه : بعد سنه و8 شهور خطوبه !!!!....الناس تقول ايه ...بتغير ف الرجاله زى ما بتغير ف الفساتين؟؟!!!

قلت وانا اكاد ابكي : لاحظ ان كلامك جارح

* ده اسلوب تكلمي بيه ابوكي ....يا محترمه

* انت مش ابويا ..انتوا مش اهلى ..انا مش مريم

* بطلى بقى الاسطوانه دى ..بطلي... لانك كده كده هتتجوزى ابراهيم...مش بعد العمر ده كله هتفضحينى وسط الناس

قلت بما يشبه التوسل : بس انا والله مافى ف حياتى حد تانى ....انا بس مش عايزاه ..مش طايقاه

* ارضي بنصيبك

* يعنى ايه ارضى بنصيبي؟؟

* يعنى ارضي بنصيبك يا مريم

* بس ده ظلم

قال بحزم : انا ظالم

ثم غادر الغرفه تاركا بابها مفتوحا على مصراعيه ...تماما كما ترك باب الاسئله فى عقلى مفتوحا على مصراعيه

هي هتفضل تايهه طول المسلسل

؟؟؟؟؟؟؟؟؟؟؟؟؟؟؟؟

10

*صدقينى يا هاله ... بنتك معمولها عمل .
هكذا قالت تلك المرأه الأنيقه جدا - الى حد المبالغه - والتى من المفترض انها عمتى ...

ردت السيده هاله باستنكار : عمل ايه بس يا نهال ؟!!.... انتى بتصدقى الحاجات دى ؟!!

* أصدق الحاجات دى ! ..ومالك بتقوليها بقرف كده ليه ؟!!...ده علم يابنتى .

قالت مياده : هو فعلا علم يا طنط ..بس قليل اللى يفهم فيه .

* ايووووووووووووووووووووه ....عليكى نور يابت يا مي ..قليل اللى يفهم فيه .

قالت السيده هاله بتردد: طب وانتى تعرفى حد بيفهم ف المواضيع دى يا نهال ؟؟

* اوماااااااااااال !... هو انا يعنى هاكلمك بثقه كده الا لو ماليه ايدى ...عندى اللى هتجيبلك اصل وفصل العمل ده من يوم مااتعملها ليوم ما هيتفك باذن الله ...لأ وكمان هتقولك مين اللى عملهولها وعمله ليه وازاى وامتى ....ولو تحبي تقرالك بختها اللى جاى كمان.

سألت مياده : دى ساحره يا طنط ؟

* لأ ..بتبيع جوافه ع الناصيه .

* يا طنط بالله عليكى جاوبينى ...أصل دى لو ساحره هيبقى حرام علينا لو روحنالها .

* بتحللى وتحرمى على كيفك انتى.

* لأ مش على كيفى يا طنط ...ده شرع ربنا .

* بت انتى ...انتى من يوم مااتحجبتى بقيتى غريبه ...أنا عارفه حجاب ايه ده اللى ف السن ده ... عيله ماكملتش 18 سنه وقال ايه محجبه ...ابقى قابلينى لو حد عبرك ولا بصلك ...هتفضلى كده معنسه وقاعده جنب امك .

* ياطنط انا ماباهزرش.

ردت بغلاسه : ولا انا .
ثم التفتت الى السيده هاله قائلة : سيبك من كلام بنتك ياهاله وخليكى معايا ...امشي ورايا وانتى تكسبي .

* يعنى الست اللى بتقولى عليها دى بتفهم ؟

طبعا ياهاله ...هو انا حياتى ماشيه الا ببركتها ..اسبوعي تقرالى الكف والفنجان وتعرفنى المستخبي واللى جاى .

قالت مياده بفزع: كمان يا عمتو ؟!!...ياحبيبتى كذب المنجمون ولو صدقوا .

قالت السيده هاله بتوتر من يوشك على ارتكاب جريمه: مياده .. ياتسكتى ياتقومى تدخلى اودتك ...احنا ف عرض قشايه نتعلق بيها ...ولا عاجبك اللى اختك فيه ده؟؟

* مش عاجبنى ...بس مش بالطريقه دى تتحل المشاكل يا امى

*قلتلك اسكتى

قالت نهال: والله انتى ماهتجيبيها لبر يا مى ..الاول حجاب ف سنك ده ..وياريته ع الموضه...وبعدها اصل السلام ع الرجاله باليد مايصحش ...ودلوقتى بتحللى وتحرمى على كيفك ..واخدانا ورايحه على فين يابنت اخويا ؟؟

*هو اللى يقول الحق ف الزمن ده مايعجبشي؟؟

صرخت السيده هاله : ماقلنا يامياده اسكتى .. اسكتى ...اسكتى يابنتى الله يرضى عليكى
هنروح امتى للست دى يا نهال؟

*دلوقتى لو حبيتى
ثم التفتت نحوى قائلة : ولا ايه رأيك ياست البنات ؟؟

لم ارد ....ومنذ متى كان الرد فى هذا البيت سلبا او ايجابا يجدى نفعا؟!!

رااااااااااااااااااااااااااااااائع

الكلمة دي قليلة علي الكلام الجامد ده

والاحداث اشتعلت ومتابع بشدة

ربنا يكرمك ....متشكره جدا على متابعتك

اكيد متابعة يارودي

ميرسي يا يويتى

11

* القطاميه !.....مش غريبه شويه يا نهال؟؟!!
قالتها السيده هاله بدهشه ممزوجه بشئ من السخريه ونحن محشورون فى سيارة السيده نهال الصغيره والمملوءه بالدباديب بكل اشكالها واحجامها ....

ردت السيده نهال وهى تبعد عن عينيها تلك الخصله من الشعر المصبوغه بالاشقر والمطله من حجابها المربوط بالطريقه الاسبانيه : يعنى هى لازم تبقى ف امبابه ولا بولاق عشان تصدقى انها ساحره ؟!....مالها القطاميه يا هاله ؟!!

قالت ببؤس: ودى هتاخد كام بقى يا نهال؟؟

ضحكت باستهتار ثم قالت : آآآآآآآآآآآآه .... هو الموضوع كده بقى ...ماتقلقيش ..هتعملنا ديسكونت جامد ..باقولك صاحبتى يا بنتى .

* يانهال انا رايحه بدون علم اخوكى ..يمكن اللى معايا ما يكفيش .

*هاسلفك .

* قوليلى بس هتاخد كام ؟؟

مش كتير ...ف حدود ميه ولا متين دولار .

* كام ؟!!!!!!!!!!!!
هكذا صرخت هاله ومياده بالصوت الفزع المندهش ذاته .

* ايه يا هاله !...200 دولار ..مش مبلغ يعنى ..دول ماكملوش 1000 جنيه .

قالت مياده بغيظ- وقد اجبرتها السيده هاله على مرافقتنا - : لأ كملوا يا طنط ... كملوا وزادوا كمان .

* مش خساره ف اختك يا مى .. وبعدين يا جماعه لو مش عايزين بلاش .

* لأ بلاش ايه يا نهال ؟؟... لو مال الدنيا كله بس بنتى ترجعلى زى ماكانت ... حودى بينا بس ع البنك ولا اى مكنة ATM اسحب قرشين ع اللى معايا ...هى هينفع تاخد مصري ولا لازم بالدولار ؟؟

* عادةً ماتقبلش الا عملات اجنبيه ... بس عشان خاطري هتاخد منك بالمصري.

قالت مياده وهى تكاد تنفجر : ده انتى كلمتيها بقى يا طنط

* لأ يا قلبي ... انا امبارح كنت عندها واتكلمت معاها .. ده حتى هى اصلا اللى نبهتنى لموضوع ان مريم معمولها عمل .

* آآآآآآآآآآآآآآآآآآآآه........ قولتيلى بقى .

* انتى ايه اللى جابك معانا اصلا ؟!!!!!!!!

* حكم القوي بقى هاعمل ايه .

قالت السيده هاله : يا مى حرام عليكى بقى ارحمينى ...انا مش ناقصه يا بنتى .

* وانا مستحرمه اروح معاكوا يا ماما .

قالت نهال بعصبيه : خلاص يا عمري ... اركنلك على جنب وخدي تاكسي وروحي.

ردت السيده هاله بصوت منهك : تركنى على جنب ايه بس يا نهال ؟!!.. انتى هتعملى عقلك بعقل عيله ...خلينا نروح ونرجع قبل مارفعت يرجع م الشغل .

* بابا لو عرف على فكره هيتضايق .

قالت نهال : ومين هيقوله ؟....انتى ؟

سكتت مياده ... فهى على اى حال لم تكن راغبه فى مواجهة غضب ابيها ان عرف ... سكتت وهى تشعر انها بحق مجرد شيطان اخرس .

12

القطاميه ....
فيلا صغيره ذات واجهه بيضاء ومحاطه بحديقه صغيره مزروعه بزهور الياسمين ...
الجدران الداخليه للفيلا ايضا بيضاء ...عاريه من اى لوحات او صور ... الارضيه من البورسلين اللامع ..والاثاث بسيط .. غرفة الاستقبال تتكون من اريكه وكرسيين لهما طابع امريكى يثير الرغبه فى الاسترخاء...لونهم ابيض ايضا ....
ثمة رائحه غريبه وجميله تجعلك تسترخى شئت ام ابيت ...
تقول السيده نهال انها رائحة البخور المغربي .

جلست السيده نهال والسيده هاله ومياده متجاورات على الاريكه ...وجلست انا على احد الكرسيين وعلى الكرسي المواجه لى جلست ليلى ...السيده ليلى المغربيه .
جميله هى .... فى بدايات العقد الرابع من عمرها ...ترتدى عباءه مغربيه زرقاء وتترك شعرها الاسود الناعم جدا والطويل منسدلا بحريه ...تتكلم اللهجه المصريه وهذا جعلها مفهومه بالنسبة الينا .....

قالت بهدوء ارستقراطى : نانا كلمتنى عن المشكله ..بس انا احب اسمع تانى .

همت السيده هاله بالكلام فقاطعتها : لا يامدام ... انا عايزه اسمع من صاحبة المشكله .

وواجهتنى بنظره قويه مؤثره.. ... نظره اربكتنى .

تنهدت ثم قلت: هاقول ايه ...انا مش انا .

وبعد ساعه ونصف من الكلام المتواصل ...ابتسمت ليلى وقالت بثقه : كده انا فهمت

قالت السيده هاله : فهمتى ايه ؟؟

* دى ضلالات يا مدام

* ضلالات !!

* ايوه ....بصي انا دلوقتى بشوية حسابات ع الكمبيوتر هاكنسل العمل ...بس هيكون صعب جدا انى اعرفلك مين اللى عمله ...الا بقى لو هتدفعى فيزيتا تانيه .

* فيزيتا! ..وكنسلتيه! ..ازاى يعنى ؟؟....الا ماطلبتى حاجه ولا رشيتى بخور ولا حتى سألتيها عن اسم امها ....انتى عملتى ايه بالظبط ؟؟

* يا حبيبة قلبي دى حسابات معقده ع الكمبيوتر .. المهم ان البنوته الحلوه دى هتبقى كويسه خلال شهر .

خرجت السيده هاله تضرب كفا بكف ... اما مياده فبدت سعيده جدا وهى تقول : وانا اللى كنت مستحرمه اجى معاكوا ....دى نصابه يا طنط .

ردت نهال بعند : نصابه ! ...لا طبعا ..كلها شهر وهتشوفى مفعول اللى عملته .

صرخت السيده هاله : شهر !!... وانا لسه هاستنى شهر ....عوضي على الله ف الفلوس اللى خدتها ...من بكره هاشوف حد بيفهم يحللنا المشكله دى ويفك العمل .

* تااااااااااااااااااااانى يا ماما ؟!!

* تانى وتالت وعاشر لحد لما اختك العمل اللى معمولها ده يتفك .

بجد قمة التشووووووويق

متابع متابع ثم متابع

ميرسي

بجد تشرفنى متابعتك

13

*أفهم بقى ... ايه اللى بيحصل؟؟
هكذا قال السيد رفعت بعصبيه ونحن مجتمعين للافطار .........

قال خالد بطريقته المعتاده : بصراحه ...الراجل عنده حق يا حاجه .. بقالك اسبوع داخله خارجه رايحه جايه ...ومكالمات تليفونيه مريبه ...والعيلتين السهتانين دول كمان فيهم حاجه متغيره ... بقيتوا تشكيل عصابي منظم يعنى ... ولا طنط نهال اللى كنا بنشوفها كل سنه مره ...لأ .. الحق يتقال عشان ما ابقاش كداب .. مرتين .. مره ف العيد الصغير ومره ف العيد الكبير ... دلوقتى بقت تجيلنا الصبح وبعد الضهر وبالليل تقولشي انتى بيوتك بناخده قبل الاكل وبعده ..........

قاطعه السيد رفعت : احترم نفسك .

* على عينى يا حاج ... اختك برده وتشرفنا وتنورنا ف اى وقت ... بس ابقى قولها تجيب الواد كريم معاها احسن ده حبيبي من ايام الجيزه ..قصدى من ايام الطفوله والصبا .. يخرب بيتك يا مكتب التنسيق يا مفرق الحبايب ...
بس اللى محيرنى بقى ان طنط نانا بتيجى من هنا وانتوا تروحوا قافلين عليكوا الباب ومقضينها خباثه وسكرته من هنا ..بتقولوا ايه ؟...هه؟...
تكونوش جايبين للبت مياده عريس ومخبيين علينا ؟؟...طب تخبوا ليه ..هنحسدها مثلا ؟.. ده احنا نفرحلها والله ...ده انا زى ماتقولوا كده اخوها والحاج البركه ده بيقولوا يعنى انه ابوها ...والدها يعنى ...من حقه يا جماعه يعرف ويسأل ع الراجل بدل مانتدبس .

قالت السيده هاله بهدوء : خلصت كلام ؟؟

* أيووووووووووووووووووون .

* طيب اعملك سندوتش وخش كله ف اودتك .

* ده عقاب ده يعنى ولا ايه ؟؟

* احسبها زى ماتحسبها .. وبعدين انت مش عندك امتحان باثولوجى اخر الاسبوع ...قوم ذاكر .

* بقى كده !!....طيب انا بقى هادخل اودتى ... بس هاخد معايا الفول .. والبيض .. والجبنه .. والعيش ... وكلوا انتوا طوب بقى .

ضحكت .... ضحكت جدا .
فابتسم بحنان غريب وقال : ايوه كده اضحكى ... خلى الدنيا تنور .
ودخل غرفته ... خالى الوفاض لكنه سعيد .... وهذا ادهشنى .

14

بمنتهى العصبيه قال السيد رفعت : أنا قلت كده برده ... مادام فيها نهال يبقى فيه مصيبه.

* وكأنها اختى انا ... ماهى اختك يارفعت ؟؟

* اختى ..ماقولتش حاجه ..بس انتى عارفه ان عندها 4/3 ضارب والربع الباقى بيشاور عقله .

* بس كلامها لا يخلو من صدق .

* صدق !!... ياعينى عليكى يا استاذه وانتى بتتكلمى بالنحوى ...صدق !!.. شغل الدجالين والمشعوذين ده بقى صدق !! ... يا استاذه يا محاميه ياللى معاكى دكتوراه ف القانون .. خلاص رفعتى الرايه البيضا ... استسلمتى للجهل يا هاله ؟!!

* وهى نهال يعنى جاهله ؟... ماهى استاذه ف كلية الطب .. وابنك بيقول ان محاضراتها بيبقى الاقبال عليها تاريخى .

* استاذه جامعيه ماشي .. شاطره ف شغلها على عينى وعلى راسي ... بس دماغها فاضيه وده شئ لا انا ولا انتى نقدر ننكره يا هاله .

* رفعت .. ماتدخلنيش ف متاهات .. م الاخر كده احنا لقينا واحد بيفهم ف الحاجات دى والمره دى بجد مش نصاب .. وكل اللى عايزينه منك انك تطلع معانا بعربيتك بكره.. الراجل ف الصحرا ولا انا ولا نهال هنعرف نسوق ف طرق زى دى .

* انا مش مقتنع .

* معلش.. خدنا على قد عقلنا ..واهو ان مانفعش مش هيضر .

نطقت مياده اخيرا : لأ هيضر يا ماما ..لأن المره دى فعلا هيبقى حرام مادام مش نصاب زى ما بتقولوا .

* والله مافى حرام اكتر م اللى انا فيه ... ارحمونى بقى .

* خلاص يا هاله .. اللى يريحك .. خديها وروحوا .. بس انا مش جاى معاكوا

* بس انت كده بتتخلى عنى وعن بنتك يارفعت .

قال وهو ينظر الى بطرف عينه : بنتى انا عارف اللى فيها .. وهى كمان عارفه .

* يعنى ايه ؟

* يعنى انا مش هاعمل حاجه انا مش مقتنع بيها يا هاله ... وده اخر كلام عندى .. ومى كمان مش هتروح معاكوا .

تمتمت مياده بارتياح : الحمد لله

قالت السيده هاله بتوسل : طب ادعيلنا .

* ادعيلكوا وانتوا رايحين تعملوا حاجه زى دى ؟!!

* وكأننا لقينا حل تانى يا رفعت !

* ده عمره ماكان حل ...عمره.

لااااااااااااااااااااا

بجد الحلقة اللي بعديها بسرعه

ملخقناش نطلع بحدث

عايز اعرف حصل ايه؟؟؟

بسررررررررررررررررررررررعه

حااااااااااااااااااااااضر