انتبـــــــــــــــــــــــــــاه

اقف انتباه

و ارفع ايدك
حي الشهيد

اقف انتباه
وطي صوتك
دا كان فريد

كان صاحبي اه
عمري اللي فات كله معاه
يوم ما انجرحت ما لقيت سواه
يوم ما فرحت كان يوم هناه

يوم الغضب طلع معايا
طلع يقول باعلى صوت
وبقلب اسد
ولا كان يوم خايف يموت

اموت وتعيش
بلدي الجميلة
من غير كلبش
من غير عساكر
وخدانا كبش

اموت واشوفه
البيه و اهله
وراء القضبان
يدفع تمنه

تمن دمه
دم ابويا اللي مات على القضبان
دم اخويا اللي حلم يشتغل صبح غرقان

اموت والاقيك
يا صاحبي انت
واقف وسط ناس بتهنيك
لما بقت نوبل في اديك

يومها الاقيك
بتقول اسمي
بتقول كان جنبي
يوم ما الرصاصة سابت قلبي

يومها اكون فرحت بيك

اموت واهلي
يكونوا في بلدي
هم العزيز

اموت ولازم
تكمل بعدي
مشوار طويل

اموت يا صاحبي
وسايب بلدي في اديك امانة
اوعدني يوم ما تيجي الرصاصة تحشها عنها
وفي قلبك انت يكون مكانها

وتعالى يومها
الجنة تلاقيني
واقف انتباه
عشانك انت

رااااااااااااائعه كالعاده وكلام حلوة اوي

بس ليا تعقيب بسيط


من غير عساكر
وخدانا كبش


ممكن شرح للكلمتين دول؟؟؟
هل مكنا كبش اللي هي كباش يعني!!!!

كبش فدا يعني

طريقة تعامل الداخلية معانا ولا تزال كبش فدا لاي حاجة في البلد واحنا معملناش حاجة

من اول تفجيرات الكنايس
اهل سينا
وغيره وغيره

زعزعة الامن والاستقرار بقى

تماااااااااااااام

حلوة زعزعه دي

بتتقال كتير وبضحك اوي لما بسمعها

جربتي تقولي زعزعه عشر مرات ورا بعض؟؟؟

دي مش حاجه عبيطه بس الواحد بيحس انها كلمه غريبة شوية

..........................
بجد ما شاء الله كلام رائع

بحب زعزعة
وبحب قلة مندسة

وبقيت مدمنة كلمة بلطجية كمان

--------------------------------------------

وشكرا على الرأي

ريري..........................كالعاده مبدعه

روعه بجد يا جميل