لا تلوموها.....سامح الكردي

اما ادخل اشوف الطبيخ........ولابلاش.. واشتري النهارده فسيخ؟
قال يعني هعرف اطبخ؟............وانا اللي عمر ما دخلت مطبخ
طب مااجيب مقشتي واكنس التراب.....يمكن يضيع معاه الاكتئاب؟
ياااه وانا اللي لما بفضي برقص......ولاكنت يوم في مرة اكنس؟

ايه ريحه التراب الوحشة دي.....مخدناهاش في كلاس بي او دي
اخيرا جرس باب الشقة رن........صوته كرنفال وفي وداني زن
جريت اوام افتح الباب.............واتاريه طلع عم علوله البواب
اديته الزبالة ودعيتله بالثواب.........ويكفيه شر الضيقه والاكتئاب
ولبست هدومي ونزلت السوق...وكانت صدمة بحاول لسه منها افوق

الحلقة الرابعه
..........
وقلبي وقع فجاة في رجلية................لما عرفت ان حماتي جية
دي ست قروبة ووسواسه..........وما يعجبهاش العجب ولا البغاشة
وبقيت بلف الشقة ومحتاسة...........وانضف كل حتة فيها بالمكناسة
جه حماده لاقا الشقة بتنور.........واصر انه معايا في الصالة نتصور

وقالي جبتلك علبة بسبوسه.........وكفتة علولة اللي انتي بيها مهووسة
ظبط اطباق الصفرة اوام..........وجنبهم مناديل وتفاح وفروتي وشمام
جرس الباب في لحظة ضرب........وقلبي ساعتها يا اخواتي اضطرب
يا رب استرها عديها علي خير..........وما يطلعش في الاكل صراصير

وجت حماتي وزغرطت..........وبابتسامتي وحضني ليها اتظبطت
وبحنية حمايا باس راسي.......ودعالنا وقالنا ربنا يحميكوا يا ولادي
قعدنا علي الصفرة في دايرة كلنا......وبدا حماية وحماتي يدوقوااكلنا

وحمدت ربي اني مطبختش ملوخيا......والاكانت فضيحتي هتبقي قوية
ولا اني عملت حلة الممبار..............ساعتها كنت هجري زي الفار
ربنا يخليك ليا يا حمادة يا غالي............نقذتني من مطب عليا عالي

وقالت حماتي اللذيذة.....................اللي اسمها عزيزة
ربنا دايما يهنيكم يا ولادي....وما تنسوش قبل النوم تاكلوا الزبادي
وخلي بالك منه يا حنان.....عايزاكي قبل ما يطلب الاكل ياكله اوام

حاضر يا حماتي من عينيا.............هعمله كل اللي يحبه بايديا
بس ناقصني اني اتعلم منك....ولو اني عمري ما هاجي حاجه جنبك
بس عارفه اني زي بنتك.......علميني لاجل ما اسعد بطبيخي ابنك

وماله يا حبيبتي وماله.....عيني عليك يابني يا حماده
ربنا يهنيك يا حبيبي ويقويك......وباكل مراتك يغذيك

اتفضلي يا طنط الحلو....بسبوسه طعمها ملوش حل
حمادة جبها من شارع الحلو......وتستاهل بقك الحلو

...................................

الحلقة الخامسة

اليوم اللي بعده صحيت علي صوت البرق........وفي عز الظهر الرعد اشتد
وراحت يومها علي الشمس نومه..ولاقيت في موبايلي عشررنات من سومه
قلت اكيد حصلت حاجه خطيرة....واتاريها لاول مرة عملت في بيتها فطيرة
وراحت اوام غاظت جارتها سميرة..........وبعتتلها صينيه فطيرة بالكريمه


حسيت ساعتها جوايا اني اتغظت......واليوم كده في اوله ومن بدري اتقفلت
قلت خلاص يا بت سيبك و نفضي.....وشغلي الغسالة الجديدة وبتايد نضفي
ومن قواعد السلامة الامنية................لبست الشبشب البلاستيك في رجلية
واهو امان عشان متكهربش...............وفي الحمام وسط المية ما اتزحلقش

الحلقة السادسة

يا ريت كل الكلام ينفع يتقال......رغم ان عيني بتحكي بطبع الحال
مشاعرنا زيت في طاسه تيفال....تقلي عليها بطاطس طعمها عال العال
وبيجي يوم والزيت يترمي..............ويفضل برده الطعم عالبال
وابتدا معايا هم الميزانية...........وتدبير فلوس البيت والمد يونية

ليالي سهرانين في عمليات حسابية............في برد ومطر ليالي شتوية
ولا همنيش برق ورعد ولا عجز ميزانية....كفايا رضا ربي وحب حماده ليا
عمر الدنيا ما كانت فلوس واكله هنيه.....وبرده مش كلها حب ورومانسية
ولما فكرت في حالنا كتير............تعبت وقلت سيبك يا بت وربك كبير

يدبرلك امورك ولا تحتاجي وزير......قومي اغسلي وشك واذكري ربك كتير
جه حماده دخل بسرعه عليا......قالي دخلت بنفر في جمعيا تعوض الميزانية
سيبك من هم الميزانية.........................ربنا يحلهالنا يا نور عينيا
قام همس في ودني بحنية....................اللبن علي النار فار يا عينيا

الحلقة السابعه

واخيرا خلصت الزيارات......وهنقدر نسافر ونركب طيارات
اخيرا جه معاد شهر العسل....وفي المانيا اكيد الحب هيتوصل
وبسرعه خليت ماما جت.....وبايدها معايا الشنط رتبت وظبط
وتقفيل الشقه وفصل النور......ومسح الارض ورش فينيك وديتول
وقعدت مع ماما اسمع وصايات...ونصايح وصلت حتي الموبايلات
وحلفت اني هكلمها واسال عليها......من اول شريحه هناك اشتريها

وحمادة دخل علينا عرقان.................... وفي ايده تذاكر الطيران
وقالي يا حنان غيرت العملة ...........ويلا بسرعه علي سوق الجملة
وهناك عياط ماما علي باب الباص .. وبان ساعتهاحب الاسرة ليا باخلاص
ومن الشباك اصعب وداع ........وبسمه فيها احلي دموع بعده صداع
مسحتها ايد حماده الغاليه ........... اللي بهزاره خلي معنوياتي عاليه

وفي الباص شغلوا فيلم ظريف .....شغلني واتبسط وانا تحت التكييف
لدرجه نسيت ان حماده جنبي ...لحد ما فوقت علي اتصال من ساندي
يانهار نسيت اعزمها علي الفرح .........يا دي الكسوف يا دي القرف