لماذا لا يقرأ المصريون ؟؟؟

فى الولايات المتحده الامريكيه ....يقرأ الفرد 80 كتاب سنويا

فى كندا .............يقرأ الفرد 60 كتاب سنويا

فى اسرائيل - العدو الذى ينبغى ان نتفوق عليه - ............يقرأ الفرد 40 كتاب فى السنه

فى العالم العربي .........يقرأ الفرد ربع صفحه فى السنه

**********************************************

يقول الدكتور (عمرو خالد ) فى برنامج قصص القرآن - الجزء الاول : ان الصفه المشتركه بين انجح 100 انسان فى العالم هى انهم يقرأون مالا يقل عن 50 كتاب سنويا

*************************************************

فى كل بلاد العالم صناعة الادب هى واحده من الصناعات الرابحه ..ودور النشر لها ميزانيات ضخمه وارباح اضخم ..........
فى العالم العربي دور نشر تكاد تتحول الى دور للعمل الخيري لقلة ارباحها...حتى الصحف لولا الاعلانات لاشهرت افلاسها

**********************************************

السؤال هو : لماذا لا يقرأ المصريون؟؟

ان كنت قارئ فشاركنا رأيك
وان كنت ممن لا يقرأون فشاركنا تجربتك

هشان هما اتعلموا عشان يشتغلوا مش عشان يتثقفوا

يا سلااااااااااااااااااااااام

طيب فلنفرض ان ده حقيقى ...بس القرايه بتوسع الافق وبتخلى البنى ادم يفكر بشكل افضل وبالتالى يقدر يكون مبدع ف شغله

سامح معاه جزء من الحق.. الناس هنا في مصر -لحد قبل الثورة على الأقل- بيتعلموا عشان يشتغلوا..
بصفة عامة، الاحتياجات المادية الأساسية اللي هي قاعدة هرم الاحتياجات الإنسانية (المأكل والمسكن) فيها عجز شديد في مصر زي ما كلنا نعرف، فمتطالبش واحد عنده مشكلة في الاتنين إنه يفكر يدفع فلوس عشان يشتري كتاب..! مش كل الناس كده على الأقل.. وحتى لو هيمارس نشاط ما هيمارسه للترفيه ولتناسي هموم اليوم وتعب الشغل وغيره، مش هيمارس نشاط فيه مجهود مبالغ فيه زي القراءة!

ولو إن النشاط الأدبي ونسبة القراءة في مصر عموماً بدأت تزداد، وبدأ الإقبال على القراءة والكتب عموماً يتزايد الفترات دي، وبدأت تظهر دور نشر شبابية بيكتب فيها أدباء شباب وبيقرأ لهم شباب كذلك، وده أمر مبشر بالخير إلى حد كبير -حتى لو كان مستوى الأعمال الأدبية منخفض بعض الشئ-..

لكن إحنا دلوقت بعد الثورة فتفاءلوا خير يعني -زي ما بيقولوا على طول ) -

شكراً ^^

رأى محترم جدا يا محمد ...وانا والله متفهماه جدااااااااااا

بس انا اللى بيتعبنى نفسيا بجد هو الشباب اللى عنده كل الاحتياجات الاساسيه ومع ذلك بيفضل يقعد ع القهوه ولا يتنح قصاد التلفزيون بدل ما يقرا كتاب مفيد