انثي كالقمر.....تاليف سامح الكردي

اكتر حاجة شدتني في القصة العنوان اللي في الاول حسيت انه مش متوافق مع الاحداث واللي خلاني اكمل الموضوع للاخر عشان اعرف علاقة العنوان بالقصة ده اولا
ثانيا بالنسبة لوجهة النظر المطروحة في القصة والخاصة بان المرأة من بعيد زي القمر من بعيد جميل وساطع ويعجب كل من يراه وان كل من يقترب منها يكتشف العكس فانا اختلف مع الراي ده صحيح في نساء كده بس كمان في انواع تانية مثلا في العكس تماما ممكن تلاقي واحدة مش تعجب اي حد بجمالها او شكلها بس لما تقرب منها تعرف انها من جواها احلى من غيرها وفي نوع تاني فيه العاملين جمال المظهر والجوهر ونوع اخير في سوء المنظر والجوهر عشان كده مش لازم نحكم على الاشياء من مظهرها عشان ممكن جمال مظهرها يخدعنا في جوهرها كما ان جمال الشكل زائل واللي بيدوم هو جمال الروح والقلب انت ممكن تلاقي الف واحدة حلوة وجميلة بس من جواها بشعة بجد ومن الالف دول ممكن بس تلاقي عدد محدود جدا اللي جواهم جميل في زماننا ده بقى اهتمام معظم الناس بالشكل والمظهر الخارجي ونسيوا ان جمال الروح وصفاء القلب وطهارة النفس وبراءة التصرفات هي اولى واهم مقومات جمال المراة
ثالثا صحيح ممكن المرأة تكون زي البركان حتى لو كان جواها طيب بس في حالة واحدة هي لما تحب بجد وتخاف على حد اوي ساعتها ممكن تبقى بركان ادام اي حد ممكن يؤذي اللي بتحبه سواء كان حبيبها اهلها اولادها وده من رايي مش حاجة وحشة ولا عيب طالما بتحب بجد لازم تدافع كويس اوي عن الحب ده بما لايضر بمن تحب
اخيرا القصة فعلا حلوة واسفة على الاطالة

القصه هااااااااااااااايله ...
بسسسسسسسسسسسس
مش بس المرأه هى اللى زى القمر ...كل البشر كده ..لانهم بشر ..بشر ليهم عيوبهم وجواهم جروحهم ...بشر هيبهرونا بقوتهم من بعيييييييييييد ...بس لما هنقرب ...هنشوف الحقيقه ...الضعف والانسانيه بكل صورها ..
تضاريس وصخور وبراكين القمر مش عيب فيه ..دى طبيعته اللى ما ينفعش يكون من غيرها ..
من القمر لازم نتعلم نقبل ضعفنا وعيوبنا ..ونقبل ضعف وعيوب اللى سمحولنا نقرب منهم ونتجاوز هالاتهم المضيئه المبهره..........
ده كان مجرررررررررررد رأى
ومره تانيه بجد الاسلوب والفكره تحفففففففففففففففففففففففففه

نرفع القبعه.....لكلامك
اتفق معك طبعا

رأي رضوى فعلا تفسير للقصة ولمعناها واظن دا مغزاها ان المرأه كأي بشر به تعقيدات نفسية لا يسهل التعامل معها الا لاليفها
متهيألي لو القمر عليه ناس وجم الارض هيكون ليهم نفس الرأي ان الارض ممكن تكون مبهرة من بعيد بس لازم تتعود علي طبيعتها عشان تقدر تعيش معاها
وعشان كده ربنا خلقلنا من انفسنا ازواجا لكي نستطيع السكن اليهم
احييك على القصة

جزاكم الله خيرا علي تشجعيكم

والحمد لله انها فكرة نالت شرف مناقشتكم ليها

اولا وبعد اظهار انبهاري بالفكرة اولا والاسلوب وطريقة العرض ثانيا
وبعد قراءة كل الاراء السابقه جيدا اسمحولي اقولكم اني بختلف معاكم خااااااااااااااالص
فان يكون المرء سواء رجل او امراءة يشبه القمر فهذا تجني وظلم لكل البشر فالانسان اذا ما بدا امام الناس براقا وجميلا وهو في حقيقته مظلم وموحش جدا فان هذا في نظرى نوع من النفاق ان لم يكن كل النفاق فالانسان في كثير من الاحيان يبدو كالاناء الذي ينضح بما فيه والا فكيف نفرق بين الطيب والشرير ان كان الكل يبدو جميلا والكل يظهر العكس في حال اقتربنا منه نحن لسنا كالقمر من من هو كذلك ومنا ومن هو واضح وضوح الشمس التى اتمنى ان تأخذنا اليها في رحلتك القادمة يا بشمهندس