مغامرات في المنيا....تاليف سامح الكردي

طبعا المغامرات دي شخصية حقيقية اتمني اني اللي يقراها يعرف معلومة ويستفاد



طبعا انا بنقلها ليكم من باب نقل الخبرات وطبعا باب النقد وابداء الراي معايا مفتوح علي مصراعيه زي ما عوًدتكم في جميع كتاباتي



(النقــــــــــد بلا حــــدود)



من غير كلام كتير علي بركة الملك نبدا اول مغامرة



1-(معاهم )



طبعا انا حبيت ابدا بالحلقة دي كترتيب موضوعي وليس من باب الترتيب الزمني



وكمان عشان احسسكم اد ايه الموضوع اكبر من انها حواديت قبل النوم



((ده كان اول يوم ليا في كلية الهندسة جامعة المنيا.....ذهبت للكلية يوم الاحد لاني اكتشفت ان السبت اجازة دخلت الكلية وسالت طالب يبدو عليه سمار الوجه انهه من بلاد مصر العليا (الصعيد) وقولتله : لو سمحت يا بشمهندس هوه مدرج اعداي فين؟



طبعا تخيلوا معايا ان طالب غريب في البلد ميعرفش غير مكان سكنه الجديد فعايز اكيد حد يساعده فقالي بص ده مدرج اعداي روح هنا واحضر وشاور بايده علي احد المباني الكتيييييير في الكلية وطبعا نسيت اقولكم ان هندسة المنيا للي ميعرفهاش عبارة عن كلية مستقلة بذاتها عن الجامعة وذات مساحة كبيرة جدا لا تقارن البتًه بطنطا وكل قسم من اقسام الكليه له مبني



وباختصار منعا للاطالة ذهبت لهذا المكان وسالت احد الزملاء (محاضرة اعدادي فين يا بشمهندس؟؟؟؟)



شاورلي علي المبني وقالي ادخل المدرج ده



دخلت لاقيت محاضرة شغالة



قعدت في اخر بنش لان المدرجات كانت موووووووت



وطبعا انا نظري مش قوي اوي يعني



وكانت دكتورة كيميا هندسة بتشرح من غير ميك



اصبحت لا شايف ولا سامع



بعد تلات ساعات بكتب حاجات مش فاهمه خالص



وطلعت من المحاضرة ادور علي اي حد يفهمن

2


ومع اول يوم في الكلية


وبعد نهاية اول محاضره مدتها 3 ساعات طلعت وانا مضايق وانتو اكيد عارفين السبب قولت الواحد عايز يستكشف الكليه الكبيرة اوي دي لكم ان تتخيلو كلية مساحتها حوالي 3/4 مساحة مجمع سبرباي


وطبعا الاشجار هناك كتير جدا لدرجة انك من فوق المبني تشوف الكليه كلها خضراء من كتر الشجر


المهم لما طلعت فوق في اخر دور في مبني اعدادي وتاملت


لاقيت كل الكليه زي بعضها من حيث المقاعد والممرات


باستثناء مكان اراه ليس بعيد ولكنه ياخذ زارويه خاصة وله مظله خضراء واسعة عظيمة يجتمع تحتها لفيف من الشباب والشابات


يتبادلن الضحات والمزاحوكان عددهم كبير جدا والجميع ملتفون حول بعضهم بصورة غريبة


باستثناء هذا تري اما طالبا يسير بمفرده او طالبين او ثلاثه علي الاكثر يمشون سويا


حظي هذا المشهد بمكانه في نفسي


فعزمت ان اتبين الامر (هل سوري يعني بيوزعوا لحمة هناك؟؟؟)


وقولت يمكن الاقي لنفسي صاحب في الكليه وسطهم


خاصة وانا معرف اي حد في البلد دي


وبالفعل نزلت وفي احد المقاعد تحت هذه المظله جلست لابدا اتامل الشباب الموجود


ولم اجلس مع نفسي برهة من الزمن الا وجاء الي شابان فجلس احدهما عن يميني


والاخر عن شمالي وبدا الحوار


احدهما(صباح الفل يا بشمهندس)


اخوكم(صباح الخير)


احدهما(هو انت قاعد لوحدك ليه؟)


اخوكم(معلش اصلي لسه جديد في الكليه وانا مش من هنا فمعرفش حد)


احدهما(انت منين)


اخوكم (انا من طنطا)


احدهما (احسن ناس....واسم الكريم ايه؟؟؟)


اخوكم(سامح....وانتم؟)


كلاهما(..اهلا بيك يا سامح ..انا مايكل....وانامينا.. من المنيا)


طابعا انا طول عمري بعامل المسيحين عادي مفيش مشاكل بس ركزوا شوية في الحوار


كلاهما(وانت قاعد لوحدك ليه يا سامح؟؟؟)


اخوكم(ما انا قولتلكم انا لسه جديد في الكلية ومعرفش حد)


كلاهما(ليه هوه انت محضرتش جلسات التعارف اللي في الكنيسه؟؟)


اخوكم (بصراحة انا فهمت اللعبة بس كان عندي فضول جامد اني اعرف الحكاية بشئ من التفصيل عشان كده قولت اشوفهم اخرهم ايه؟؟؟)


(جلسات ايه دي؟؟؟)


كلاهما(دي جلسات بتتعمل في الكنيسة عشان التعارف...هوه انت ازاي محضرتهاش؟؟؟)


اخوكم (ويا تري فيه ايه هناك؟؟)


كلاهما (مفيش يا سيدي هيعرفوك علي بنات زميلاتك في الدفعة والسكشن عشان متقعدش لوحدك)


اخوكم (انا بقولك انا مش من هنا انا من طنطا )


سال احدهما الاخر(يا تري لسه في جلسات تعارف شغاله)؟؟


قال لي الاخر(ايوة لسه شغالة ...تعالي اما اوصفهالك)


وسحب كشكولي عشان يكتب فيه


وطبعا انا كنت في قمة الشوق لاني اعرف الموضوع ماشي ازاي للاخر


بس لو فتح الكشكول من الاول كان هيلاقي اسمي بالخط الكبير اوي


اللي الحمد لله كل اسم فيه بيدل علي اني مسلم


باستثناء اسمي...المهم


الحمد لله مسك الكشكول وفتحة من الاخر


وقالي انت ساكن فين؟؟؟؟


قولتله في (.....) قالي تمام


بص يا سيدي هتلاقي كوبري ......


المهم وصفلي وصفه ورسملي تخطيط للمكان بتاع الكنيسة بالتفصيل


وقالي تروح هناك تسال علي (الانبا انطونيس )


وقوله (انا جايلك من طرف مايكل ومينا اللي في كليه الهندسه)


قوتلهم انتوا قسم ايه؟؟؟؟؟


كلاهما(انا كهربا وانا ميكانيكا...طيب ايه رايك تيجي معانا دلوقتي الكنيسه؟؟؟؟)


تبسمت قليلا وانا بصراحة بتهز من جواية اوي لانه ذهلت من السرعة دي في التعارف وقولتلهم (لا لا انا خلاص عرفت المكان ومعايا الوصف هخلص المحاضرة اللي عليه وهروح علي طول.....باااااااااي)


كلاهما (مع السلامة متنساش تيجي واحنا قاعدين في المكان ده علي طول)


(اوك باي)


روحت اليوم ده وانا قلبي بينبض بشدة من اللي عرفته ده


بس يا تري احكي لمين الكلام ده مين اللي هيفهمني الكليه دي ماشية ازاي دراسيا


ومين اللي هيفهمني الكليه دي ماشية ازاي بين المسيحين والمسلمين؟؟؟؟

(3)



اول رحلة للاراضي المنياوية



طبعا مهما مرت بيا ذكريات منها ما اضحكني فنسيته ومنها ما اَلمني فتناسيته



ومما لا انساه هول اول رحلة للمنيا حيث حجزت انا ووالدي في احد القطارات المتجهه من طنطا للقاهرة تذكرتين وموعد القطار تمام الخامسة والربع



وتذكرتين للقطار المتجه من القاهرة الي المنيا



وكان كلاهما من فئة قطارات (الاسباني92 درجة 2مكيفة)



وبعد ترقب مني للسفر الاول في حياتي والعربة الاولي



وترقب اكبر للكلية وما عسي ان يكون فيها



وقلق واسع من مغبة الاعتماد علي النفس والمكوث بمفردي بعيدا عن كل اصدقائي ومعارفي لاول مرة بحياتي فساذهب الي مكان لا يعرفني فيه احد



لم يستمر هذا الفكر طويلا بل سرعان ما انبري الوقت مضيا في التسارع الي



ان وجدت نفسيااخذ وضع الاستعداد للنوم ففي الصباح الباكر ذهاب الي محطة القطار حيث اول رحلة للاراضي المنياوية.......



تم ضبط منبهي الخاص...وتم ضبط منبه الموبايل ومنبه الساعه



وقام ابي بضبط ساعته وموبايله ومنبهه الخاص الموجود بجوار سريره



واذا بي استيقظ بعد فوات موعد القطار بنصف ساعة



لاستيقظ فاجد الجميع في سبات عميق



وجميع الحقائب مهياة لسفري



لكن هدوء في الصوت



وجو يسوده الصمت



والجميع في سبات



هرعت مهرولا الي ابي اوقظه كي يتصرف في موعد القطار الاخر من القاهرة الي المنيا كي نستطيع الحاق به



فارتدينا ملابسنا بسرعة وهرولنا بالسيارة الي محطة القطار



الذي هالنا ما راينا وانتابنا ذهول جم حينما



وجدنا حالة من الاضطراب تعم المحطة وموظف الشباك غير موجود وجميع العاملين غير موجودين



انتظرنا حتي جاء احد العاملين مهرولا وقصصنا عليه القصص



فسالنا بكل تعجب ((انت راحت عليك نومة وفاتك القطر بتاع الصبح؟؟؟؟



وراح يكرر السؤال مرة اخريانت راحت عليك نومة وفاتك القطر بتاع الصبح؟؟؟



قلناله ايوة واحنا جينا عشان نرجع تذكرة قطر القاهرة المنيا)



قالنا (احمدوا ربنا انتوا اتكتبلكوا عمر جديد القطر اللي راح عليكو عمل حدثة في قويسنا وكل اللي فيه ماتوا ترجيع تذاكر ايه يا استاذ اللي بتتكلم فيه ارجع بيتك واحمد ربنا انك بخير



رجعنا البيت بعد ما حجزنا تذكرة تانية في قطار اسباني اخر في نفس اليوم ولكن مساء .......

4



/اول قطار للاراضي المنياوية



اطبعا بعد التجربة المريرة دي مع القطر الاسباني المكيف قررنا نروح للقاهرة



بالسوبر جيت بدل القطارات اللي كل مواعيدها متلغبطة بسبب الحادثة



وبالفعل بعد ادان المغرب كنت انا ووالدي نستقل اونوبيس سوبر جيت المتوجهه الي القاهرة وبالتحديد موقف (عبود) حيث من المفترض ان ننزل منه عند محطة المؤسسة ونركب المترو حتي يتسني لنا الوصول الي محطة رمسيس



وبعد حوالي ساعتين وجدت نفسي في محطة القطار تمام الحادية عشرة الا الربع



وجلست في انتظار القطار الذي موعده الحادية عشرة والنصف



ومر الوقت بمنتهي البطئ وبدات اشعر بالنعاس يتسلل الي جسمي بعد هذا اليوم الشاق الذي كنت مستيقظا فيه ما يقرب من 20ساعةولم انم سوي اربع سويعات



وها هو الصوت في الميكروفون ينادي.....(القطار الاسباني 92 علي رصيف 5 .)



وكررها مرتين......وطبعا انا كنت مستلقي علي المحطة في قمة التعب



علي رصيف 8 لانه مكتوب في التذكرة رصيف 8 بس لما سمعت كده اخدت الملم كل شنطي بسرعة ونزلت علي تحت لرصيف 5



- اااه ...نسيت اقولكم ان دي اول مرة اسافر فيها في حياتي بالقطر



وطبعا سالت والدي يا تري القطر الاسباني ده نضيف وحلو ولا ايه النظام؟؟



ورد وقالي (ده مكيف و...و....و...ورسملي الدنيا وردي) –



نزلت علي الرصيف وفعلا لاقيت قطر كله ضلمة والناس زحمة موت وبتتخانق وزعيء والقطر ضلمة كحل



فبقوله (ده يا بابا اللي بتقولي مكيف وروعه؟؟؟؟؟؟)



رد وقال(لا ...لا .... اكيد في غلطه)



رحت انا ووالدي للراجل اللي بينادي علي القطارات قالنا انا اسف جدا بس معلش بقا الحادثة ماثرة علي كل الخطوط



المهم شوية ولاقيناه بينادي (القطار اسباني 92 علي رصيف



طبعا لميت كل شنطي تاني وطلعت فوق جرررررري



وبعد ما قعدت بلحظات انطلق صوت وقع علي مسامغي وقع الصاعقة



(الاسباني 92 علي رصيف رقم5...)



وبينما انا علي السلم ونازل اسمع صوت كاد يجعلني اقرر العودة الي بيتي



(القطار الاسباني 92 علي رصيف رقم 8.....شكرا)



لكني فوجئت بـالقطار فعلا لونه احمر فابيض جه علي الرصيف فجريت سالته وانا الهث من فرط الجري وثقل المؤنه (ده الاسباني 92 ؟؟؟؟)



رد عليا باسلوب غريب اووي وقالي (ايوة هوة الزفت......يخرب بيت......)



ما ردتش عليه ..طلعت دور علي الكرسي بتاعي



وانا في قمة الارهاق وبتنهد وبقول



لا اله الا الله..ولم اتم كلمتي حتي ذهلت..... مما رايت فلقد رايت.........



الي اللقاء في الحلقة القادمة....لا تنسوا الردود

متشوقة اكمل الباقي

بجد تـــــــــــحفة يا سامح

5/



اول احتكاك بالمنياوية



ذهلت حينما رايت الفرق البائن والواسع بين الاسباني والقطار المظلم الغريب الذي رايته تنبعث منه روائح غريبه بمجرد دخوله المحطه وكانه لايستقله ادميون



ولا حول ولا قوة الا بالله



انطلق بنا القطار وانا في قمة الولع وكعادتي في كل سفري لا انام ابدا وهكذا فعلت فبمجرد تحرك القطار اذ ذهب والدي في سبات عميق وجلست بجانب الشباك متاملا في الطريق رغم ظلمته الا اني كنت الهي نفسي بقروب بزوغ فجر اليوم الجديد



وبرغم كل ما عانيته علي مدار الــ 48 ساعه دول الا اني لم اذق طعم النوم في القطار وبدات المحطات تمر علينا تباعا (القاهرة/الجيزة/الفيوم/واخيرا المنيا)



دخل القطار المحطة الساعة 7 وربع صباح اليوم التالي وانا لا اصدق ما حدث لي خلال ال 48 ساعه ولكي اقول الحمد لله علي كل شئ



نزلت من القطار وذهبنا الي اقرب قهوة جلسنا عليها ننتظر قليلا حتي يكون موظفوا الجامعة قد اخذوا اماكنهم .....



وبمجرد ظهور اول تاكسي اقلنا الي الجامعة نزلنا هناك وعلي باب الجامعة سال والدي رجل حارس البوابه



والدي(السلام عليكم..عايزين نروح كلية الهندسة...اروح ازاي؟؟؟)



حارس البوابة(بص يا استاذ حضرتك هتدخل الجامعة تمشي شمال لاخر المجمع وتطلع من الباب اللي هناك تسال علي الكلية)



والدي(شكرا يا ريس...)



مشينا علي الوصف واحنا في الطرق قابلنا احد الموظفين



وسالناه نفس السؤال وكان الجواب الطبيعي



(انتوا ايه اللي جابكوا من هنا ...لف وارجع من ورا تاني واركب تاكسي)



قلتله شكرا....



كملت طريقي انا والدي ولم اسمع له واصريت بعناد اننا اكمل



وبعد شوية لا قيت كلام الراجل صح وصلت لاخر المجمع وركبنا تاكسي من هناك



ولاحظت وانا في التاكسي اننا ذقنا مغبة ذكاء المنياوية



فالطريق الذي وصلنا اليه بعد مسيرة نصف ساعه علي الاقدام ما هو الا نفس الطرق الذي تقع عليه بوابه الجامعة وعلي نفس الاستقامه



فكان جديرا بالحارس ان ينصحنا باخذ تاكسي نقوله كليه الهندسة



ولكننا بعد هذا المشوار الطويل خرجنا من الباب الاخر للمجمع وبرده اخدنا تاكسي للكلية ...ولا حول ولا قوة الا بالله



التاكسي نزلنا عند الكلية وعلي باب الكلية ....وما ادراك ما علي باب الكلية



وجدت.........



(الي اللقاء في الحلقة السادسه باذن الله)
__________________

6/

علي باب الكلية



.....



وجدت علي باب الكلية عسكريين حرس دخلنا عليهم



-السلام عليكم



-سامو كاتوا (ده مش هندي ولا يا باني ....ده رد السلام المنياوي)



-ايوة يا باشا؟؟؟؟



-والله انا معايا جواب الترشيح....



- اهلا وسهلا يا بشمهندس



من غير تطويل.....دخلت سالت فين شؤن الطلبه واحد قالي كلام غريب اوي مفهمتش حاجه ؟(ساذكره فيما بعد باذن الله)



قولت مش مشكلة دخلت لاقيت موظف اخر سالته بس سبحان الله رد عليا طبيعي وقدرت بفضل الله افهمه



وروحت شؤن الطلبه خلصت الاوراق اللازمة



ثم ذهبت لاحجز السكن وبفضل الله تيسر لي في بيت رجل طيب



الذي بفضل الله علي اتصال مستمر به من حين لحين جزاه الله كل خير



وبمجرد ما انهيت كلامي معه توجهت انا والوالد الي محطة القطار فالجو في منتهي الحر ولا يطاق..



وصل بنا التاكسي الي المحطة فتوجهت لاحجز تذكرتين الاقيه بيقول



(مفيش تذاكر مصر النهاردة خالص يا بيه...عشان الحادثه)*



قولت هي الحادثة ورايا ورايا



قررنا اننا نروح ناخد السوبر جيت وكانت اول مرة اركب فيهاعلي طريق المنيا السوبر جيت الذي لي معه صولات وجولات علي كافة الطرقات.....



وطبعا اتصرفت بطبيعتي في السوبر جيت وحبيت اعرف الطرق اللي هيروح منه



بس للاسف فشلت لان الاتوبيس طلع صحراوي



وبمجرد الاتوبيس ما اتحرك وشغل التكيف انا قولت حلو هعمل دماغ جامدة



واسمع الموبايل...لاقيت الفيديو في الاوتوبيس بيعرض فيلم (غبي منه فيه )



وكنت اول مرة اشوفه بصراحه قررت اني اتفرج عليه وبصراحة



الوقت ما حستش بيه والحمد لله رجعنا الي عبود ثم الي طنطا



بعد عناء 48 ساعه لم اذق للنوم طعما...عدت الي بيتي



اتامله وتدرو براسي افكار وتساؤلات



هل فعلا سياتي هذا اليوم الذي اترك فيه غرفتي؟؟؟؟



هل فعلا سياتي اليوم الذي اترك فيه جدتي؟؟؟؟؟؟



رغم اني مش رومانسي بس دماغي سرح هنيهة



ليعاود اسئلة كثيرة هل سياتي يوم ولا اذهب لجدتي صباح يوم الجمعه؟؟



وهل سياتي يوم واترك فيه (مسجد علي بن ابي طالب؟؟؟)



وهل سياتي يوم اترك فيه الدكتور (محمد) –له حلقة بمفرده باذن الله-؟؟؟



وتساؤلات كثيررررررررررة لا يعلم حصرها الا الله



بينما كان الاهل وسط كل هذا يرون في هذا الخير من الله الكثير



علي كليتي التي احمد الله عليها



ويرون اني بحاجة الي الاعتماد علي نفسي ..وبدات لارتب جميع اغراضي



فستبدا الدراسه في اقل من اسبوعين...



الي اللقاء مع بداية الدراسة ومواقفها الـــ........

سامو كاتو ههههههههههه حلوة يا سامح جدا

ربنا يكرمك ان اء الله القادم احلي

في المعمل


طبعا يا شباب انتوا عرفتوا ازاي بدات اول يوم ليا في الكلية وبعد اللي حصل مع المسيحين بقيت حريص اوي في تعاملي مع كل الناس في المنيا لحد ما اعرف هما مسيحين ولا مسلمين


وافقت اول الدراسة ثاني او ثالث ايام رمضان علي ما اتذكر


وكان اصعب صيام في حياتي كلها


لاول مرة في حياتي اعيش في درجة حرارة مرتفعه جدا بهذا الشكل


واشعر بالظما الشديد ولاول مرة اعتمد علي نفسي في جميع متطلباتي


ولاول مرة ببلد لا اعرف فيها اي شخص...ولاول...ولاول....


وبينما انا اترجل في المدينة رايت اناسا بعد صلاة الظهر يشربون


المشروبات الغازية عيانا بيانا في وسط الشوارع ومن المظهر الواضح انهم نصاري


لم اكن اتوقع ان هناك فئه من البشر بهذا القدر من عدم مراعاة شعور الاخرين


ولانني لم اكن اعرف نصاري المنيا جيدا وقع هذا الحدث في نفسي من التاثير بمكان


ثم عدت الي سكني وبينما انا في الطريق اذ قابلت زميلا لي اتلمسه من شكله


فبدات اتعرف عليه ويااالفرحتي لعلمي بان اسمه اسلام وهو من اسوان


وبالتحديد من كومومبو حيث السمرة والطيبه بدانا نتجاذب اطراف الحديث


حتي بدات المح اليه بالمكان الذي مكثت فيه مع مايكل ومينا انفا


فقال لي((ايه اللي خلاك تروح هناك...؟؟؟ انت متعرفش ان دي كنيسه المسيحين في الكليه؟؟؟؟؟))


فرددت عليه بعد تجهم وذههول((هوه المسيحين لهم كنيسه في الكلية))


قالي(ده ركن خاص بالمسيحين وممنوع اي مسلم يدخله خالص


كويس انهم معرفوش انك مسلم والا.......)


قولتله( والا ايه يعني اللي يقدروا يعملوه يعملوه ده انا كمان عرفت انهم بيعملوا جلسات تعارف

بين الشباب والبنات اللي اد بعض في الكلية عشان كل واحد يبقي معاه البنت بتاعته في الكلية عشان ما يقعدش لوحده وهما اللي قالولي ده بلسانهم


وكانوا عايزيني اروح معاهم مفكرني مسيحي


قالي((وعرفت منين؟؟؟ ))


هما اللي قالولي كده لانهم فكروني مسيحي زيهم


قالي( اوعي تروح ناحيتهم تاني بقا)


قولتله (عمري وحسبنا الله ونعم الوكيل


ده انا اول مرة الاقي مسيحين مش عاملين حساب ان معاهم مسلمين صايمين في الكلية)


قالي (ولسه انت شوفت منهم حاجه ده في اكتر واكتر)


قولتله(علي العموم لينا كلام تاني مع بعض بس انا تعبان اوي محتاج بجد ارتاح شوية)


وبعد مرور ما يقرب من اسبوع والامور شبه مستقرة لم امر باي مغامرة


واذ ياتي يوم لاول سكشن في معمل الفيزياء حيث التجارب


وللاسف المواصلات كانت صعبة روحت المعمل متاخر


ولما روحت المعمل المعيد قالي ادخل في المجموعة دي لانها عددها صغنن جدا


كل المجموعات 5 افراد الا دي 3 فقط


دخلت عليهم ((السلام عليكم يا شباب))


((اهلا.....))


((ايه الاخبار الدنيا ماشية ازاي معاكم))


((بص يا بشمهندس ممكن تنسحب الراحة وتقطلب من البشمهندس ينقلك في مجموعة تانية لاننا مش عايزينك معانا...اذا كان عند حضرتك دم...))


يا تري لو مكاني هتعملوا ايه؟؟؟؟؟


منتظر ردودكم

8/في صالة الرسم


.......................


بصراحة انا مكنتش عارف اعمل ايه وبقيت في نص هدومي


ولسان حالي بيقول الناس دي بتعملل معايا كده ليه المهم روحت مجموعة اتصحابنا علي بعض والحمد لله بقوا اعز اصحابي بد كده ناس من الشرقية والمنصورة ربنا يباركلهم ونصحوني اني انسي وان الموضوع مجرد صدفة عادية


وبعد مرور يومين كان عندي سكشن رسم هندسي ولكن انظر هناك....


دخلت السكشن وللاسف من كركبة الحاجات اللي شايلها واخد البوردة بتاعتي


الكبيرة (وهي عبارة عن خشبة كبيرة مستطيلة بنرسم عليها)


وواخد المسطرة والاقلام والمثلثات ......الخ


لاقيت نفسي ناسي اللوحة اللي هرسم عليها


سالت زميلي اللي قدامي((يا بشمهندس اجيب لوح رسم منين؟؟؟))


بصراحة الراجل كان نصراني اسمه ريمون بس عاملني عادي خالص


ودلني علي المكان نزلت جبت لوحة وعادي خالص ....وفجاه


جاني واحد معرفوش ووقف جنبي وقالي ((بالتوفيق يا صديق))


بنفس الكلمة ومسح علي ظهري ببتسامة غريبة وانا لا اعرفه


ومشي وجه واحد تاني وقف جنبي وقاالي (اي مساعده؟؟؟


رديت(جزاكم الله خيرا)


قالي لا اامر


قولتله (هو المعيد شرح ايه اصل انا كنت لسه بجيب اللوحة)


قالي (ابقي قابلني اذا فلحت.....)


قولتله اديني بتعلم


بصراحة انا دمي اتحرق بغباء وقررت اني اسيب السكش وفكيت اللوحة


بعصبية جامدة علي غير طبيعتي ولميت ادواتي ونزلت


وفي الطريق وانا في الحالة العصبية دي لاقيت واحد مسيحي برده معايا في السكشن بس محضرش معانا جالي وانا ماشي وقالي


(خلصت بسرعه يا بشمهندس كده ليه؟؟؟


قولتله مش فايق بس وعايز انام


طبعا احنا في رمضان وصايمين


قام مطلع لبان وقالي


روق دمك يا هندسة


قولتله بطيب نية لا شكرا انا الحمد لله صايم


قالي (اااااه صحيح.....انت.....(يقصد مسلم طبعا)


وهز راسه بطريقة استهزائية


او انا حسيت انها استهزائية


بصراحة اول مرة الاقي ناس بتعاملني كده لاني مسلم


ساعتها عرفت انها مجرد حرب علي الاسلام بس السؤال


اللي في دماغي


لما هوه علي الاسلام لماذا انا بالتحديد؟؟؟؟؟


..............


انتظرونا في سكشن الورش.....


منتظر ردودكم

واضح ان المنيا دي المسيحين فيها اكتر من المسلمين بس ليه قلة الزوق دي , كان الله في عونك ربنا يجعله في ميزان حسناتك المرار اللي انت شوفته ده

ربنا يكرمك يا ايمان

بس غالبية الصعيد كده

رغم ان الصعايدة كلهم طيبين جدا من جواهم

بس التعامل في المنيا في الكلية كان مختلف جدااااااااااااا

9-علي الكورنيش
..........................
من قبل ما قدمي تطا الاراضي المنياوية وانا بسمع عن كورنيش المنيا
وجماله وحلاوته بس انا بصراحة اخري كورنيش اسكندرية ونادرا كورنيش القاهرة
فقررت في يوم من الايام ان اتسكع عليه بعد الافطار في احد ايام رمضان


وطبعا لاني بدات افهم طبيعة البلد وكثرة النصاري فيها بدات انزل بدري شوية واجيب اكل المهم نزلت امشي في شارع زي شارع النادي كده
وذهلت من هول ما رايت البشر يملؤن المكان هنا وهناك


وبجوار كل سوبر ماركت بضع نفر يشربون المشروبات الغازية في وضح النهار عيانا بيانا دون ادني مراعاة لشهر رمضان ولا لمشاعر المسلمين
بصراحة اول مرة اصوم رمضان والا قي في ناس قدامي بتشرب في وسط النهار

وعلنا امام الجميع ولسانهم حالهم اللي يقدر يعمل حاجه يعملها
وبينما انا اقترب من المحل وسالته علي المكان اللي انا عايزه


دلني علي المكان بطريقة غريبة اوي وقالي
(بص يا هندزة انت هتمشي مجبل وتاخد ثالث شارع مبحر

هتلاقي المحل رابع محل وانت مشرق)
قولتله الف شكر يا باشا...وطبعا لاقيت نفس
ي مفهمتش اي حاجه


مشيت وسالت واحد تاني نفس السؤال قالي
(بص يا هندزة انت هتمشي مجبل وتاخد ثالث شارع مبحر
هتلاقي المحل رابع محل وانت مشرق)

قولتله لامؤاخذة يعني يمين ولا شمال؟؟؟
قالي (اه فهمتك....وبدا يكلمني بلغة بتوع بحري ...)
والحمد لله الوصف طلع صحيح

وكانت اول طلعة علي الكورنيش ويا ريتني ما طلعت لاني شوفت....
شوفت مناظر عجيبة غريبة رهيبة مهيبة يندي لها الجبين
في اللي اقدر اقوله وفي اللي مينفعش

اول حاجه شوفتها وسط الهوء التام اللي علي الكورنيش لاقيت محل صغنن عليه زحمة كتير اووي وده طلع ابو سيد بتاع الايس كريم اشهر بتاع ايس كريم
في جمهورية المنيا (وبصراحة لا تقولي عبد الفتاح مرزوق ولا غيرة)
والناس زحمة عليه مووووووووووت


هوه طبعا الكورنيش منظره كان تحفه ورائع ونظيف جدا وعمال النظافه فيه 24 ساعة ومخلينة عشرة علي عشرة
بس طبعا ما يقدروش يتكلموا مع شباب ال......
وثاني حاجه غريبة
وانا ماشي علي الكورنيش شوفت مناظر غريبة اوي رغم ان مفيش ناس علي الكورنيش احيانا الاقي شاب وفتاة علي الكورنيش وانتوا عارفين الباقي

من الاوضاع الغير لائقة بالشرع والاداب العامة التي لا استطيع ذكرها
بس انا بنقل الصورة وبخليكوا تعيشوا معايا الجو بس
لكن اللي شوفنه عمركم ما هتتخيلوا بس الاداب العامة

تمنعني من ذكر الوضع اللي رايته لكن بجد حسبنا الله ونعم الوكيل فيما يفعله المسلمون والنصاري علي الكورنيش.....
وثالث حاجه
لاقيت علي الكورنيش المراكب النيلية الرائعه والرحلات النيلية الجميلة
وانت تقدر تشوف من ورا النيل الجبال العالية
بجد يا جماعه المنظر تحفة


امر ثاني
وانا ماشي كده قابلت واحد صاحبي اوي من الدقهلية اسمه محمد
مشينا مع بعض وفجاة ظهر لنا مسجد كبير اسمه مسجد سيدي الفولي

وعلي المسجد يافطه كبيرة منورة وقبليه يافطة اكبر منورة برده
وطبعا ماشي مع صاحبي جنب المسجد فبقوله
(يا محمد انا عطشان اووووي مفيش كولدير هنا؟؟؟؟؟)
الاقي صوت انثي بتناديني وتقولي.......
...........................................

هندزة ومتسكع هههههههههه بس هو الراجل عرف منين انك بشمهندس يا بشمهندس

لا عادي مكنش يقصد

10 - في الورش

.................


صوت الانثي اللي كانت بتناديني هي صوت امراة عجوز تلبس جلباب اسود


وبجوار كولمان به ماء بارد وبمجرد سماعها صوتي وانا اقول اني عطشان


نادتني انا وصاحبي وقالتلي خد يا ابني اشرب


رديت (جزاكم الله خيرا يا حجه...)


وصاحبي قالها


(تشربي من من زمزم ان شاء الله....يا امي)


رديت علينا رد غريبة اوووووي


(اشرب يا ابني اشرب....دي مية سيدك الفولي فيها الشفا)


طبعا محمد صاحبي اندفع يقولها سيدي الفولي ايه بس........


قاطعتها قائلا بارك الله فيك يا حجه وجزاكي الله خيرا


وبدا النقاش هل الصح اننا كنا نبين لها انه مينفعش الاعتقاد في الاولياء


سواء بالنفع والضر زي ما محمد صاحبي كان عايز يعمل


ولا كلامي انا وان وجهه نظري ان الست دي كبيرة اوي في السن وصعب علينا اننا نقنعها لان باين عليها ست طيبة اوي ومش متعلمة


بعد نقاش برده كل واحد فينا ظل مقتنع برايه


انا برده عايز اسمع رايكم في الموضوع ده


المهم كملنا في طرقنا علي الكورنيش صاحبي قالي انا هعزمك عند ابو سيد


وما ادراك ما هو ابو سيد قالي ان ده اشهر بتاع ايس كريم في المنيا


وبصراحه عن طعمه تحفه وانا فاكر ان اخر حاجه كلتها في المنيا قبل ما اجي كانت برده ايس كريم.....بعد ما اكلنا الايس كريم وحبسنا بعصير القصب


افترقنا علي امل اللقاء غدا في سكشن الورش صباح باكر باذن الله


وعلي باب الكلية صباح اليوم التالي فعلا قابلته وكان معانا شيت هنقدمه للمعيد في المكتب بتاعه قولتله روح انت اسبقني علي الورش وانا هروح اقدم الشيتين


ولما طلعت القسم اقدم الشيتين لاقيت ورقة كبيرة


مكتوب عليها (البقاء لله توفي الي رحمة الله تعالي والدة المعيد/.....)


وطبعا المعيد مجاش وبالتالي مفيش سكشن


المهم روحت الورش وقولتلهم للجميع


(يا شباب المعيد بتاع الحاسب والدته توفت عشان كده مفيش سكشن النهارده)


رد عليا ثلاث مسيحين علي لسان احدهم


رد لطالما افزع الجميع وهذا نص الجملة


(بصراحة يا بشمهندس احنا مش بنثق فيك..........


يمكن تكون بتكدب علينا................


ايه اللي يثبتلنا.......؟؟؟؟؟؟؟؟؟؟)


بذمتكم في حرق دم اكتر من كده


رديت عليهم بكل هدوء وانا اكتم غيظا ملا علي كل كياني


وانا بداخلي اصرخ (لم كل هذا الحقد)؟؟


بس بكل هدوء قولت (يا شباب الموت مش موضوع يتهزر فيه


وانتوا عارفين اني مش بكدب)


تدارك اصحابي الموقف امام الجميع وقالولي خلاص يا سامح احنا مصدقينك


وبداوا يقولوا للنصاري


(في ايه يا شباب ....والجو فجاة توتر توتر رهيب لسبب غير معلوم)


وبدا اصحابي يحسوا ان الناس دي فعلا بتكرهني


وكل واحد يجي يسالني في ايه بينك وبين الناس دي


احنا عارفين انك طيب وملكش اعداء


وكل واحد يجي يقولي الناس دي بتكرهك ليه؟؟؟؟؟


وكل واحد يجي يقولي الناس دي بتكرهك ليه؟؟؟؟؟


انسدل الستار علي هذا الموقف


وانهيت هذا اليوم في الكلية بكل هدوء كعادتي ولكن داخلي يحترق


وان بدا عليا قمة الهدوء


وانا ذاهب للسكن قابلت واحد صاحبي من اسوان بس مش معايا في السكشن


وطبعا لانه صاحبي اوي حس باللي جوايه وقالي احكيلي كل حاجه


وفعلا حكيتله لان لاقيته بيرد عليا كانه عارف السبب وبيقولي........

انا باقرا الحدوته دى لتانى مره وبرده ليها عليا نفس التأثير ...بجد اسلوبك ف الحكى تحفه ...
بجد بجد ملك الحواديت .........
كمل ارجووووووووووووووووووووووووووووووووووووووووووك.

اخجلتم تواضعنا

والحلقة القادمة قادمة

الحلقة الحادية عشر...مساجد المنيا


.........


طبعا يا شباب هكلمكم النهارده عن مغامرتي مع مساجد المنيا اللي كانت بداية مغامرتي معاها في اول رمضان


انا اول يوم في رمضان في المنيا طبعا لاني مكنتش عارف اماكن محلات


ولاني مكنتش عارف هاكل ايه بالضبط ومش لاقي محلات فاتحة كان اول فطار ليا في المنيا في اول يوم رمضان قبل اذان العشاء بعشر دقائق لاني مش لاقي محل اكل جاهز ولا اي محل فاتح


وبعد طول عناء.......اخيرا وجت ضالتي احد المحلات فاتح هناك لاقيته محل عصير قصب


انا اول مرة اذان المغرب ياذن عليا وانا بلف في الشارع بدور علي اكل المهم الحمد لله فطرت علي عصير القصب


وبدات اتسكع في المدينة باحثا عن شئ من اثنين اما مطعم فاتح او اااوي الي مسجد حتي يحين موعد صلاة العشاء والتراوويح


وطبعا كل ما اسمع كلمة التراويح هناك اقول (رحمك الله يا دكتور محمد.....دكتور محمد ده له حلقة خاصة باذن الله)


المهم علي بركة الله لاقيت مسجد بيقيم صلاة العشاء بجوار المحطة قولت الواحد يدخل يصلي العشاء والتراويح علي ما تكون باقي المحلات فتحت


المهم دخلت وصليت فوجئت بشئ عجيب فعلا الامام قرا سورة الفاتحة ثم سورة الفلق في اول ركعة وصلي صلاة العشا عادي


المهم بدا يصلي التراويح وكانت المهزلة الكبري في نظري


بعد قراة الفاتحة قال بالحرف الواحد (يا ايها الذين امنوا كتب عليكم الصيام كما كتب علي الذين من قبلكم لعلكم تتقون)


وفجاة قال (الله اكبر)


انا ذهلت فعلا اول مرة الاقي ركعة باية وليس في اي صلاة بل في صلاة التراويح وهكذا استمر هذا السيناريو الغريب لمدة 8 ركعات اللي انا شخصيا حسيت انهم مكملوش 6 اصلا


بصراحة من زهقي ونرفزتي مكملتش الشفع والوتر وقررت اني ادور علي اكل وفي اليوم التالي ادور علي جامع تاني بيصلي بذمة شوية


وفي اليوم التالي وبعد انتهاء الكلية ....وقبيل صلاة المغرب..... خرجت لاحد المحلات الشيرة (سافوي واشتريت اكل كتير بس طعمه معجبنيش المهم بعد ما اكلت قررت تغير المسجد العجيب ده


وقررت اني اروح اصلي في المسجد اللي بيصلي فيه زملائي بجوار المدينة الجامعية وهو مسجد صلاح الدين


وكان حقا نعم المسجد صوت الامام جميل ويساعدك علي الخشوع


ولكن ارادة الله فوق كل شئ فمجرد معرفتي بطريق هذا المسجد واذا باليوم التالي علقت علي المسجد لافتة


((المسجد مغلق للترميمات.....))


وقع هذا الخبر علي وقع لصاعقة المدوية كما سيكلفني مزيد من العناء في البحث عن مسجد اخر لامام صوت حسن


كمان انا بتنرفز اوووووووي لما الاقي امام في رمضان يقرا القران ويغلط في التجويد وبتضايق اووووي


عشان كده بدات الف علي كل الجوامع اللي جنبي ودخلت للمسجد اللي جنب سكني وفوجئت بان كلهم ناس كبيرة


والتراويح مش بتاخد في ايديهم نص ساعه (بسم الله ماشاء الله ( وطبعا التجويد (لا تعليق)


وفي احد الايام وبينما انا استكشف احد المساجد بجوار محل ابو سيد بتاع الايس كريم


صليت في مسجد اللي برده مدخلش دماغي اوي ....


رحت لابو سيد عشان اعمل دماغ وبعد ما عملت احلي دماغ من الايس كريم في رمضان


لاقين نفسي تعبان اوي ركبت تاكسي اوصل للسكن بتاعي


وفي الطريق كانت الدنيا زحمة جدا عند منطقة العزبة عشان كده التكس وقف مدة


لاقيت نفسي بسمع صوت قران بسم الله ماشاء الله


تبارك الله


صوت رهيب جميل جدا


اكثر من رائع لدرجة اني. قربت اعيط من جمال صوته وانا بسمعه


لكن للاسف كان بيصلي الوتر


وصلت للسكن وقررت في سرية نفسي اني باذن الله لازم اصلي هناك الحلقة الجاية


(اسف اقصد المرة الجاية)


..................................................


الي اللقاء في الحلقة القادمة منتظر ردودكم

ف انتظار الحلقه القادمه ....فى انتظارها جدااااااااااا

12--الشيخ اشرف


.....


روحت الكلية والحمد لله خلصت حوالي الساعه3 ورجعت نمت لحد قبل المغرب وبعد الفطار روحت اتحسس الوضع في المسجد اللي دخل دماغي ده



ذهلت من حجم المسجد الذي حجمة يكاد يكون متناهي الصغر في المساحه فهو علي الارجح زاوية...


ووجدت المسجد شديد الزحام داخل المسجد وخارج المسجد يملا الشارع باكمله ...قولت ماشاء الله اكيد في سر رهيب يخلي كل الناس دي تيجي هنا



وبطبيعتي حبيب ابقا جنب الامام وبكل صعوبة فزت بالحصول علي مكان في الصف الرابع بعد عناء شديد


كل ذلك قبيل صلاة العشاء بحوالي ثلث الساعه.....ولكن اسمع معي.....


هد وووووووووو ء....مفاجئ ...خيم علي المكان




هدات اصوات التالين لكتاب الله ....وخفتت اصوات المتهامسين


وانا بين هؤلاء وهؤلاء اتلمس الخبر



واذا بي اري رجلا شابا يلبس نظارة شمس ستايل شبابي وله لحية متوسطه الطول


يدخل مسرعا الي المسجد هذا الشاب وجدته يبدا بتجهيز الميكروفونات للامام


...وفجاة اقيمت الصلاة ووجدته بعد خلع نظارة الشمس يؤم بالناس......




بصراحه عجبني اوي انه اولا شاب وانه مش متذمت ولا متشدد


بل بالعكس الراجل شاب معتني بمظهرهه اللي بيمثل امام غير المسلمين يمثل دين الاسلام


فكان بحق نعم المظهر للامام المسلم.......وتبارك الخالق العظيم في صوته الجميل


وفي اثناء جلسه الاستراحه ....الراجل بصراحه مش بيقول كلمتين فض مجالس


لا بالعكس الراجل بيشرح دروس ومواعظ جميله جدا




وفي وسط هذا الانبهار الذي غلب علي امري


وبعد انتهاء ال 8 ركعات وفجاة
................


جميع انوار المسجد اوطفئت ولم يتبقي الا لمبتان صغيرتان جدا (وناسة)


لم اكن اعلم لماذا يحدث هذا الفعل في ركعتي الشفع والوتر خاصة


الا بعد الصلاة




وفي ركعة الوتر بدا الشيخ يشرع في الدعاء


ويااااااااااا الله علي الدعاء لن اكذب حين اقول


الدعاء مع جمال الصوت جمال ملوش حل


وفجاة بدات اجد جميع الناس الدموع تنهمر من مقلهم




والدعاء باللغه العربية الفصحي


فهذا الشيخ من اول دخوله المسجد لا يتكلم الا اللغه العربية


ورغم ذلك جميع الناس بلا استثناء فعلا


تتمني الا تنفد العبرات من مقلهم




ويا لروعة وراحة النفس بعد هذا الدعاء الرااااائع


بهذا الصوت المذهل


الذي صداه في اذني حتي الان...والا لما تحدثت عنه الان


..



تعقيب بسيط



....


وبصراحه جميع خطب الجمعة للشيخ ده كانت باللغه العربية الفصحي


وكان دائما بيختم بجملة جميلة اوي ما زلت احفظها في صدري


لانها عجبتني اوي




كان في نهاية كل خطبه لازم يقول


(بارك الله لي ولكم في القران العظيم.............ونفعني واياكم بما فيه من الايات والذكر الحكيم)




وادعوا له من كل قلبي


(اللهم احفظه واجعله نصرة لدينك ولسنة نبيك


اللهم اغفر له وارحمه....اللهم هذا دعاؤنا لاخينا بظاهر الغيب


فتقبله منا واتنا مثله اللهم امين)

الي اللقاء في الحلقة القادمة ...في مطار المنيا ...منتظر ردودكم

فعلا مغاااااااااااااااامراااااااااااااااااات ربنا يعنا على ذكره وشكره وحسن عبادته بس مش قولت ياساااااااااااااااااااااااااامح اسم الشيخ ايه ؟؟؟؟؟

لو بصيتي علي عنوان الحلقة هتعرفي